السلام عليكم عاملين ايه يارب تكونوا كلكم بخير ربنا يحفظكم جميعا
بصوا بقى ف الموضوع ده جمعت لكم كل وسائل ازالة الشعر للبنات لأنى بجد من غير مبالغة جربتهم كلهم .
1- الحلاقة او الشيفينج shaving
هى الطريقة دى سريعة ، وبتنجز وبتنقذك لو كنتى مستعجلة ومزنوقة ...
بس عيبها ان الشعر بيطلع بعد كام يوم وبيكون محسوس وبيشوك زى دقن الرجالة كده !
غير كده مش بتنفع خالص مع البشرة الحساسة بتحمر وبتطلع حبوب .
فيه بنات بتعملها للجسم والوجه عادى والفرنساويات متعودين على كده
بس طالما نويتى تعمليها يبقى لازم تعقمى المكنة وتبقى بتاعتك انتى بس وتستخدميها مرة أو اتنين بالكتير وخلاص .
تقدرى تعملى الطريقة دى عن تجربة وتجيب معاكى نتيجة ممتازة ف حالة واحدة
لو انتى اصلا مشعرة كتيررر وبشرتك عادية مش حساسة
فحتعملى جسمك بالشيفينج وبعدين تعملى سنفرة لجسمك كله بأى طريقة تعجبك
أما كريمات السنفرة الجاهزة أو الوصفات الطبيعية وأبسطها سكر خشن + زيت زيتون يعنى زيت الزيتون ده أصلا بيخلى البشرة حرير .
المهم بعد ازالة الشعر والسنفرة حتقعدى فى البانيو ف مية سخنة على اد ما جسمك يستحملها وحطى فيها كيس ملح خشن
منه حمام طاقى لازالة الطاقة السلبية وكمان الملح بيحرق بصيلة الشعر وحتلاقى الشعر قل من جسمك بطريقة ملحوظة .
2- ازالة الشعر بالخيط (الفتلة )
وأكيد دى تنفع للوجه فقط وتنفع كمان البنات اللى بشرتها عادية .
أما البنات اللى مش مشعرة فبلاش والبنات اللى بشرتها حساسة برضه بلاش وممكن تعمل حاجة أسمها تشقير
يعنى دى أفضل طريقة لازالة شعر الوجه للبشرة الحساسة
(بودرة تفتيح + ماء أكسجين ) وبلاش برضه تكتر منه علشان بشرتها ما تحرقهاش .
3- كيفية استخدام ماكينة براون وعيوبها :
مكينة براون لازالة الشعر عبارة عن مكنة بتشتغل بالشحن أو بتوصليها بالكهرباء عن طريق الكابل بتاعها ، وهى عبارة عن مجموعة ملاقط مع بعض بتدور
وبتشتغل بسرعة .
وبتشتغل بسرعة .
ميزتها انها منجزة وعملية وسريعة واحسن من الشيفينج لانها بتلقط الشعرة من جذورها
أما عيوبها فهى بتوجع زى ما تكونى بتتقرصى كده او بتتكهربى بس مع الوقت الجسم لو أخد عليها بينمل ومش بتحسى بالوجع أوى .. وأصحاب البشرة الحساسة ممكن يطلع لهم حبوب كتير بعد الاستخدام بتبقى نقط حمرا على البشرة كده وفيه منها بيروح بعد كام ساعة وممكن بعد ما تخلصى تدهنى مضاد حيوى وزيت السعد .
أم طريقة تنظيف ماكينة براون فهى سهلة لان المفروض لما بتشتريها بيكون معاها فرشة مبططة كده وشعرها جامد شوية وصغيرة .
وطبعا فيه منها أنواع زى المائى اللى بتزيلى الشعر وأنتى تحت الميه .
4- كريم ازالة الشعر من الوجه والجسم
هو بصراحة انا مش بحبه ابدا ريحته مش حلوة خالص مهما كان نوعه أو اسم الماركة بتاعته
وغير كده لو زودتى الوقت شوية بسيطة وسبتيه على جسمك بيحرق الجلد وبيسود ويسيب علامة للأبد ولفى بقى على دكاترة الجلدية
ده غير أنه نفس عيوب الشيفينج ان الشعر بيطلع بعد مدة قصيرة أوى وخشن .
5- السويت (الحلاوة )
دى طريقة من أقدم الطرق وأحسنها لانها بتشيل الشعر من الجذور وبتشيل كمان طبقة الجلد الميت ويا سلام بقى لو عملتى بعدها حمام مغربى حيبقى أحلى وأحلى مش حتعرفى نفسك .
طبعا يمكن عيبها الوحيد هو الوجع بس حتى ده مقدور عليه لان دلوقتى فيه كريمات تخدير بتتباع فى الصيدليات وممكن تدهنى منها المنطقة اللى حتعمليها قبلها بنص ساعة أو اكتر .
6- الشمع أو الواكس wax
هو جميل اوى اوى اوى الصراحة لانه فيه كل مميزات السويت
وتقدرى تستخدمى الكريم المخدر برضه
وف نفس الوقت بيحافظ على ايدك من التلزيق ومن صوابعك من الوجع اللى بتحسيه ف السويت من كتر الشد .
بتشترى الجهاز بيكون معاه شمع محطوط ف جسم فيه رول + الجسم اللى بيسخن الشمع + الفيشة + المناديل
بتسخنى الشمع فى الجهاز وتفرديه على المنطقة وتحطى عليه المناديل وتسحبى مرة واحدة عكس اتجاه نمو الشعر وبعد ما بتخلصى
خالص بتدهنى جسمك بأى زيت وفيه زيوت كتير أوى مفيدة للبشرة زى زيت جوز الهند وزيت الزيتون وزيت اللوز .
7- فيه شمع كده بيبقى محطوط ف طبق ولونه أسود اسمه شمع الفحم
منصحش بيه ابدااااااا يا بنات لانه خطر
أنتى بتسخنيه وتفرديه على الجسم بعصايا خشب شبه بتاعة الايس كريم كده
وهنا بقى الخطورة لانه ممكن يكون متسخن زيادة عن اللزوم فيحرق لك بشرتك فبلاش منه هاتوا النوع التانى .
بشعة بجد محدش يجيبها لانها ببساطة مكوناتها نفس مكونات كريم ازالة الشعر حتى نفس ريحته
وبرضه لو اتسابت زيادة شوية أو حتى مجرد ما توزعيها وتيجى تشيليها بأى فوطة قديمة عندك يكون حصل الحرق !!
ربنا يحفظكن وبرضه مش عمليه زيها زى الشيفينج وبيطلع بسرعة وبيكون معاها صابونة تانية اسمها صابونة الليزر دى المفروض انها بتقلل نمو الشعر وهى مش بتعمل حاجة اصلا .
9- جلسات ازالة الشعر بالليزر
أو ازالة شعر الوجه بالليزر ودى قصة تانية لوحدها فيه بنات حبيتها ومعاهم فلوس مش عارفين يودوها فين
بس انا شخصيا محبتها خالص
أولا مكلفة جدا .
ثانيا عددها كبير وانتى بقى تفضلى تنزلى من البيت وتضربى المشوار غير المواصلات والوقت اللى ضايع غير انهم حيطلبوا منك كريمات لسه حتشتريها .
ثالثا مش محددة بمعنى انك حتعمليها مدى الحياة بس الفكرة ان عدد الجلسات بيقل يعنى لو انتى مثلا بتعملى 3 جلسات فى الاسبوع مع الوقت يبقوا مرة ف الاسبوع بعد كده مرة كل اسبوعين بعد كده مرة ف الشهر بعد كده مرة كل شهرين وهكذا .... لغاية ما توصلى لمرتين ف السنة مثلا .
رابعا المنطقة اللى تعملى فيها ليزر سواء الوجه أو اى جزء فى الجسم انسى انك تستخدمى أى وسيلة تانية فيها زى السويت مثلا او الواكس او كريمات .
أما بقى البنات اللى دايما بتسأل عن طريقة التخلص من شعر الوجه نهائيا أو ازالة شعر الوجه والجسم نهائيا ... فأحب أقولك انك بتحلمى !!!
اه ولله
بالعقل كده انتى كائن حى بياكل وبيشرب وبينام وبيعمل بيبيى ههههههه فشعرك بيطول وبتقصيه وضوافرك بتطول وبتقصيها
فشىء طبيعى ان يطلع لك شعر وبتتخصلى منه باستمرار لانك لازم تبقى نضيفة لنفسك مش لحد تانى .
فالفكرة كلها انك بتدورى على طريقة سهلة ومريحة ومش مكلفة وتناسب بشرتك .
تعليقات
إرسال تعليق