ازاى تزود ثقتك بنفسك ؟

ثقتك بنفسك هى سر ومفتاح من أهم مفاتيح النجاح فى الحياة .. تعالى اعرفها وافتح الابواب المقفولة ادامك .

# لسه لغاية اللحظة دى مش واثق ف نفسك ؟

# بعد كللللل اللى مريت بيه لسه مش واثق ف نفسك ؟

# يمكن يكون سنك كبير ولسه برضه ؟

# حاسس دايما انك قليل ومالكش وجود ولا كيان وسط الناس ؟

# بعد ما عملت 53585 محاولة واتفرجت على 7568345 فيديو عن الثقة بالنفس وسمعت 569536 اودبو عن الثقة بالنفس 

لسه برضه حاسس انك زى ما انت ؟

ما تزعلش 

ولا يهمك من أى حاجة 

صدقنى كلللللللله يتعوض 

المهم انك تكون واعى ، وتنفذ كل خطوة تسمعها ، وتبقي محدد 

والا حتفضل زى ما أنت ولا تلومن الا نفسك !!

1- اعرف ان شغلك ونجاحك الخارجى مش كل حاجة ومش هو أنت ... كل ده بيتغير 

بس لو انت متضايق وحاسس بكده طول الوقت ... أقعد مع نفسك دقيقتين وهات ورقة وقلم واكتب نقط ضعفك وقوتك علشان تعرف

تتعامل معاها ازاى بعد كده .

2- حدد بالضبط أنت عايز ايه وبعد ما تعرفه حاول ومهما واجهتك تحديات مش مهم كمل وما تتأثرش بيها .. ده مع الوقت حيخليك قوى ... يعنى بمعنى أصح بتحلم بأيه ؟ زى مثلا حد حابب مجال معين وعمل مشروع فيه وخسر 

مش مشكلة اعرف الغلطة فين وما تكررهاش وحاول تانى حتى لو وصلت ل 5675 محاولة .

3- خليك منتج مش مستهلك 

ايجابي مش سلبي 

يعنى ما تقعدش ف بيتك طول الوقت بتاكل وتقيل على أهلك وقاعد على النت ليل نهار 

يعنى العربية بنحط لها بنزين فبتمشى .. أنت بتاكل وتشرب وتتعلم ليه ؟ لازم يكون فيه انتاج حاجة بتعملها .

4- من العلامات الجسدية لثقة بالنفس انك ترجع درك ورا وتنزل كتافك وترفع رقبتك 

بس لو عملت كده بس مش كفاية طبعا لانك حتبقى منظر على الفاضي 

فلازم تحسها علشان تطلع عليك وعلى شخصيتك ... ده حتى فيه ناس شكلها أو جسمها مش حلو خالص بس واثقين ف نفسهم لانه الاحساس نابع من الداخل .

5- الثقة بالنفس لا تتعارض مع الخجل ... المهم انك تكون على طبيعتك بس باسلوب كويس 

يعنى ما تسمحش لحد يقلل منك ويكلمك باسلوب وحش لازم ترد عليه وتوقفه بس باسلوب كويس ومحترم 

وده معنى خد بالك من نفسك حرفيا .

6- الثقة بالنفس مش معناها الكاريزما ولا الشكل المثالى الواو والجسم اللى يجنن والعيون الملونة .. ولا حتى اللى صوت عالى 

الثقة بالنفس ان يبقى عندك حكمة فى كلامك ... انك تقنع وتبهر اللى ادامك بدماغك وتفكيرك .

7- الواثق بنفسه مش كل الناس بتحبه ولا بيسمع كلامهم فى كل حاجة ولا ماشى زى ما الناس عايزه 

فخليك مختلف وعارف انت عايز ايه واعمله مش اللى الناس عايزاك تعمله .

8- اتكلم مع نفسك بطريقة صح بطريقة ايجابية ... أوعى تقلل من نفسك ... اشتغل على نفسك ... طور منها كل يوم حتى ولو خطوة 

واتكلم عنها حلو علشان الناس تتكلم عنك حلو .

*************************************